Shraddhanjali… (સૂર~સાધના)

Humble Tribute to Hansaben Dave Mehta from Swar Tarang members..!!

જયશ્રીકૃષ્ણ

કોવેન્ટ્રી-યુ.કે. નિવાસી, અમારા ‘સ્વરતરંગ’ ગૃપનાં વડીલ અને માનનીય ગાયિકા સભ્ય સ્વ. હંસાબેનને અમારા સહુ મિત્રોની ભાવભીની શ્રધાંજલી..તેઓએ અમારા સહુ પર સદાય સ્નેહ વરસાવ્યો છે.. એમના સ્નેહાળ સ્વભાવને ક્યારેય ભૂલી નહિ શકાય.. તેઓ ભલે આજે અનંત યાત્રાએ નીકળી ગયા છે, પરંતુ પરોક્ષ રૂપે અમારી સાથે જ છે..!

……………..****……………….

( મુક્તક – શ્રીદિલીપભાઈ ગજ્જર )

ગાઈને ગીતો માનસરવર હંસલો ઊડી ગયો
એ ‘સ્વરતરંગ’ની મહેફીલોમાં સૂર મધુર છેડી ગયો
મળશું હવે ક્યાં, મિત્ર સૌ ફરિયાદ બસ કરતાં રહ્યાં
ભેગા મળીને ભાવભીની અંજલી દેતાં રહ્યાં..!!

* Singers *
Nikita Shah, Prakash Soni, Chetu Ghiya Shah,
Subhash Upadhyay, Diensh Pithia, Dilip Gajjar, Jatin Aria.

હે નાથ જોડી હાથ, પાયે પ્રેમથી સહુ માંગીએ

શરણ મળે સાચુ તમારું, એ હૃદયથી માંગીએ

જે જીવ આવ્યો આપ પાસે, ચરણમાં અપનાવજો

પરમાત્મા, એ આત્માને શાંતિ સાચી આપજો…

વળી કર્મના યોગે કરી, જે કૂળમાં એ અવતરે,

ત્યાં પૂર્ણ પ્રેમે ઓ પ્રભુજી,આપની ભક્તિ કરે

આ લખ ચોરાસી બંધનોને, લક્ષ માં લઇ કાપજો ..

પરમાત્મા, એ આત્માને શાંતિ સાચી આપજો…!

સુસંપતિ, સુવિચાર ને સત્કર્મનો દઇ વારસો

જન્મોજનમ સત્સંગથી, કિરતાર પાર ઉતારજો

આલોક ને પરલોકમાં, તવ પ્રેમ રગ રગ વ્યાપજો..

પરમાત્મા, એ આત્માને શાંતિ સાચી આપજો…!

મળે મોક્ષ કે સુખ સ્વર્ગનાં, આશા ઉરે એવી નથી

દ્યો દેહ દુર્લભ માનવીનો, ભજન કરવા ભાવથી

સાચું બતાવી રૂપ શ્રી રણછોડ હૃદયે સ્થાપજો …

પરમાત્મા એ આત્માને શાંતિ સાચી આપજો…!

હે નાથ જોડી હાથ, પાયે પ્રેમથી સહુ માંગીએ

શરણ મળે સાચુ તમારું, એ હૃદયથી માંગીએ

જે જીવ આવ્યો આપ પાસે, ચરણમાં અપનાવજો

પરમાત્મા, એ આત્માને શાંતિ સાચી આપજો…!

***